Здарэнне адбылося ў пятніцу 27 верасня вечарам. Група падлеткаў трэніравалася на Дняпры плаванню на байдарках. Секцыя гэтая ў Оршы існуе даўно і звычайна ўсё было без надзвычайных здарэнняў.
Сярод некалькіх байдарак на якіх трэніраваліся падлеткі, адна перакулілася прыблізна насупраць гарадскога пляжу. Хлорчык, які кіраваў байдаркай моцна спужаўся, пачаў крычаць, што ня ўмее плаваць і прасіць пра дапамогу. Дарослых побач не было, але крык дзіцёнка пачулі ратавальнікі з берага насупраць дзе знаходзіцца пост ратавальнікаў на вадзе.
Яны спрацавалі выключна хутка і прафесійна - хлопчыка выйцягнулі з вады за лічаныя сякунды - паведамляюць відавочцы.
