У нядзелю Оршу наведала вялікая група родзічаў ахвяраў сталінскіх рэпрэсій з Мінска, сябраў Саюза палякаў і супрацоўнікаў польскай амбасады на чале з намеснікам амбасадара суседняй рэспублікі.
Агулам - разам з аршанскімі актывістамі - Кабылякі наведала больш за 50 чалавек. Тут ксёндз з касцёльным хорам адслужыў памінальну службу па забітых на Кабыляцкай гары. А родзічы распавялі гісторыі сваіх сямейных трагедый.
Паводле спісаў расстраляных складзеных ініцыятывай "Кабылякі. Расстраляныя ў Оршы", у Оршы расстрэльвалі і вялікую колькасць палякаў па нацыянальнасці і тых хто быў абвінавачаны ў шпіянажы на карысць Польшы (стандартны прыгавор, калі чалавека не было за што расстраляць). Пры гэтым гэта першы падобны візіт у Кабылякі высокапастаўленага дыплата Польскай Рэспублікі.
