У Беларусі ўхвалены сем новых праектаў міжнароднай тэхнічнай дапамогі. Адпаведнае рашэнне замацавана пастановай Савета міністраў №774 ад 19 лiстапада 2019 г, паведамляецца на Нацыянальным прававым інтэрнэт-партале. Згодна з дакументам, ухваленне атрымалі наступныя праекты і вызначаны міністэрствы і аблвыканкамы, якія забяспечваюць каардынацыю і эфектыўны кантроль за рэалізацыяй праектаў:

«Праграма па водным сектары ў Рэспубліцы Беларусь, 2 этап (праект па сцёкавых водах у г.Полацку)» - Віцебскі аблвыканкам;

«Праграма па водным сектары ў Рэспубліцы Беларусь, 2 этап (праект па сцёкавых водах у г.Орша)» - Віцебскі аблвыканкам;

«Умацаванне патэнцыялу Дзяржаўнага пагранічнага камітэта Рэспублікі Беларусь у барацьбе з незаконным абарачэннем зброі і боепрыпасаў» - Дзяржаўны памежны камітэт;

«Павышэнне патэнцыялу і прасоўванне ў галіне аховы прыроднай спадчыны ў камуне Кузніца і Бярозаўскім раёне шляхам правядзення сумесных ініцыятыў у памежным раёне» - Берасцейскі аблвыканкам;

«Удасканаленне праграмы другой ступені атрымання вышэйшай адукацыі ў галіне інфармацыйных і камп'ютэрных тэхналогій для павышэння прафесійнай запатрабаванасці магістрантаў» - Міністэрства адукацыі;

«Новыя крыміналістычныя тэхналогіі агляду месца здарэння і ўмацаванне грамадскай бяспекі» — Дзяржаўны камітэт судовых экспертыз;

«Мадэрнізацыя магістарскіх праграм для будучых суддзяў, пракурораў, следчых з улікам еўрапейскіх стандартаў у галіне правоў чалавека» — Міністэрства адукацыі.

У паведамленні адзначаецца, што рашэнне прынята на падставе прапаноў камісіі па пытаннях міжнароднага тэхнічнага супрацоўніцтва пры Савеце міністраў Рэспублікі Беларусь. Пастанова ўступіла ў сілу 19 лістапада.