Беларускія сувенірныя крамы не заўсёды прадаюць рэчы з нацыянальным каларытам. У асартыменце сувенірак можна пабачыць і расейскіх матрошак, і кітайскіх бажкоў і розную іншую драбязу, якая хутчэй асацыюецца з іншымі краінамі, а не з Беларуссю. Пры гэтым, магніцік з выглядам Оршы, або стандартны сувенір у выглядзе кубка з нацыянальным каларытам знайсці не магчыма не заўсёды.
30-га лістапада ў Оршы адчыняецца крама, якая будзе займацца менавіта нацыянальнай атрыбутыкай, сувенірамі з нацыянальным каларытам і вырабамі беларускіх рамеснікаў. Крама размесціцца насупраць аўтавакзалу ў доме №5 па вуліцы Молакава на другім паверсе. Урачыстае адкрыццё прымеркавана на 11-00.
