На бягучым тыдні Дзмітрыю Казлову, больш вядомаму як блогер «Серый Кот» прыйшло дзве павесткі з міліцыі. Адна з іх запрашала Дзмітрыя наведаць адно з мінскіх аддзяленняў міліцыі, другая выклікала ў аршанскую міліцыю на 30 лістапада.
Як нам вядома, суд над Зміцерам адбудзецца ў панядзелак раніцай 2 снежня. Падобна на тое, што абвінавачваюць яго за ўдзел у масавым мерапрыемстве ў Мінску, якое фармальна было сустрэчай з выбаршчыкамі мінскіх кандыдатаў у дэпутаты.
Сам Зміцер Казлоў таксама быў кандыдатам у дэпутаты, але не за доўга да выбараў яго рэгістрацыя была скасаваная выбарчай камісіяй.
