Два найменні небяспечнай шкламыйнай вадкасці, вырабленай у Расейскай Федэрацыі, выявілі ў крамах Оршы. У гандлёвай сетцы райцэнтра прадаваліся вадкасці «Freeze way» (-30), вырабленая ТАА «Инвестагропром» з Масквы, і «АНТИобледенитель «Патриот» (-30), выраблены ТАА ПКО «Патриот» з Разані. Абедзве не адпавядаюць паказчыкам крышталізацыі, задэклараваным вытворцамі ў маркіроўцы. Акрамя гэтага, у складзе вадкасцяў змяшчаецца метылавы спірт, які таксама ня заяўлены ў маркіроўцы і перавышае дапушчальную ў Беларусі норму больш чым у 100 разоў.
Кіраўнікам гандлёвых арганізацый, дзе прадавалі гэтую «шклоамывайку», прапанавалі выключыць з абарачэння небяспечныя вадкасці, паведамляе «Аршанская газета» са спасылкай на начальніка Аршанскага аддзела госнадзора Алену Карповіч.
