Агулам з абследваных па ўсёй краіне выяўлена 88 арганізацый на якіх былі запазычанасці па стане на 1 жніўня 2014 года. У параўнанні з іншымі абласцямі ў Віцебскай вобласці сітуацыя найгоршая - тут 42 арганізацыі мелі запазычанасці. Другое месца з абласцей займаюць Мінская і Магілёўская - па 15 арганізацый з запазычанасцямі.
Не зважаючы на лідарства вобласці, у Аршанскім і Дубровенскім раёнах сітуацыя нармальная - тут арганізацый з запазычанасцямі не выяўлена. Затое ў Талачынскім раёне наадварот, сітуацыя даволі кепская - 7 арганізацый якія маюць запазычанасці. Гэта: "Талачынская Навінка", "Рыдомльскі", "Племянны завод Рэканструктар", ААТ "Камсамольская праўда", "Коханава-Агро", "Абольцы", "Слаўнае". Больш па колькасці такіх арганізацый толькі ў Пастаўскім раёне - 8.
