Візіт аднаго з лідэраў кампаніі "Гавары праўду" Андрэя Дзмітрыева ў Оршу скончыўся сустрэчай з аршанцамі, на якую сабралася каля 25 чалавек. Сустрэча прайшла ў цёплай атмасферы, прысутныя змаглі абмяняцца думкамі аб працы кампаніі за мінулыя 5 гадоў. Мабыць, самым пазітыўным вынікам з'яўляецца тое, што за гэтыя гады "Гавары праўду" змагло захаваць каманду сваіх актывістаў, заняўшы сваю нішу ў беларускай палітыцы.
Андрэй Дзмітрыеў ўручыў пасведчанні аршанскім актывістам кампаніі пад апладысменты прысутных.
А скончылася ўсё агульнанацыянальнай дыктоўкай ў гонар Дня роднай мовы, каторую правёў старшыня Аршанскай арганізацыі Таварыства беларускай мовы Ю.Нагорный. Тэкстам быў абраны верш Рыгора Барадуліна. Мінскі госць А. Дзмітрыеў таксама прыняў удзел у напісанні дыктоўкі.
