Возера Шчацінкаўскае, якое ў народзе называюць Кар'ерам, мяняе свае берагі штогод натуральным чынам - вады становіцца болей і возера пашыраецца. За апошні дзесятак год у возера цалкам знікла выспа па сярэдзіне, амаль знік пясчаны пляж - частка яго сыйшла пад ваду, частка зарасла травой. Але ў гэтым годзе пяска на берагах возера дадалося, дзякучы будаўніцтву дарогі праз лес.
Каб з'эканоміць, будаўнікі не сталі везці пясок з працуючых кар'ераў, а здабылі яго на возеры, цалкам знішчыўшы рэшткі пясчанага пляжу. З іншага боку, дзякуючы такой здабычы, на месцы новай распрацоўкі праз некаторы час можа з'явіцца новы больш шырокі пляж.
