На прайшоўшым у нядзелю матчы "Орша" - "Рэчыца-2014" нельга не адзначыць і казус футбольнага вечара. Як актыўныя фанаты "Оршы", так і звычайныя заўзятары клуба на ўваходзе праходзілі асабісты і падрабязны дагляд з боку супрацоўнікаў АМАПу. Безумоўна, гэта выклікала пэўную хвалю абурэння ў людзей, якія ў свой выходны прыйшлі падтрымаць любімую каманду. Чым былі выкліканыя такія меры сказаць складана - за апошнія гады на Гарадскім стадыёне Оршы не фіксаваліся ніякія сур'ёзныя парушэнні.
Два тыдні таму на стадыён у Оршы ня здолелі трапіць ня толькі частка фанатаў "Оршы" і сяброўскіх ім "Горак", але і прыхільнікі светлагорскага "Хіміка".
