17-га траўня адбудзецца 5 тур чэмпіянату Беларусі па футболе сярод каманд 1-й лігі. "Смаргонь" у стартавых 4 турах набрала 8 пунктаў і займае 4-ты радок турнірнай табліцы. "Орша" мае на сваім рахунку 4 пункты і займае 12-е месца.
"Орша" ў апошнія гады вельмі рэдка сустракалася са "Смаргонню" - будучы супернік нават на пэўны час падымаўся ў вышэйшую лігу, пакуль "Орша" працягвала гуляць у 2-й. Апошняя на дадзены момант сустрэча адбылася 12-га чэрвеня 2013 года, калі "сіня-белыя" ў 1/32 фіналу Кубка Беларусі прымалі супернікаў на Гарадскім стадыёне. Тады баталія завяршылася для аршанцаў бясслаўна. "Ільняныя" саступілі смаргонцам з лікам 0:4 і выбылі з барацьбы за трафей.
Матч 5-га туру 1-й лігі "Смаргонь" - "Орша" адбудзецца ў Смаргоні на стадыёне "Юнацтва" 17 траўня і пачнецца а 15:00.
