Груз лома чорнага металу вагой 25,6 тон прынесла дзяржаве траса М1. Яго ў бок Расіі перавозіў жыхар Оршы 1987 года нараджэння. Прычынай затрымання і канфіскацыі груза стала адсутнасць дакумантаў, якія маглі б патлумачыць паходжанне металалому.
А ў суседнім Горацкім раёне дзяржава разжылася помнікамі і рытуальнымі прыналежнасцямі на суму 250 мільёнаў рублёў. Па той жа прычыне - адсутнасць дакумантаў - рытуальны тавар з гандлёвага павільёна перакачаваў у кішэню дзяржавы.
У самой Оршы міліцэйскія зводкі паведамляюць пра распачатую крымінальную справу па факце крадзяжу ў ноч з 23-га на 24-е чэрвеня. Невядомы злачынца падабраў ключы да аўтамабіля Мэрсэдэс-Бэнц - 817, які стаяў каля дома гаспадара і скраў радыёстанцыю, антырадар і дакуманты.
