Як нам стала вядома, вясной гэтага года УУС Віцебскага аблвыканкама ўзбудзіла шэраг крымінальных спраў па артыкулах 209 КК РБ "Махлярства" і 431 "Дача хабару" у дачыненні да жыхара Віцебска. Цікава, што сведкам па гэтых справах праходзіць былы дырэктар ААТ "Оршасырзавод" Андрэй Губскі, які нядаўна быў перамешчаны на пасаду намесніка дырэктара гэтага ж прадпрыемства.
Гэта не адзіныя справы, у якіх фігуруе Андрэй Пятровіч. Аказалася, што ў траўні ён жа быў асуджаны па артыкуле 211 Крымінальнага кодэкса "Растрата" да двух з паловай гадоў абмежавання волі без накіравання ў выпраўленчую ўстанову. Аднак такі прысуд не перашкодзіў яму застацца ў кіруючым крэсле.
