Тэрытарыяльныя выбарчыя камісіі, якія павінны быць сфармаваныя ў кожным раёне краіны не пазней за 22 ліпеня фармуюцца на супольным паседжанні райвыканкамаў і прэзідыюмаў раённых саветаў дэпутатаў. Праваабарончая арганізацыя Беларускі Хельсінскі камітэт - якая разам з іншымі праваабаронцамі ў гэтым годзе арганізоўвае вялікі маніторынг выбараў - загадзя падала ў выканкамы афіцыйныя просьбы дазволіць прысутнічаць сваім прадстаўнікам на паседжаннях па фармаванні камісіяў. Паседжанні Аршанскага і Дубровенскага райвыканкамаў і прэзідыюмаў Саветаў павінны былі прайсці сёння. За некаторы час да саміх паседжанняў, правабаронцам у абодвух названых раёнах было адмоўлена ў праве прысутнічаць на фармаванні выбарчых камісій. Хаця паводле "Закону аб мясцовым кіраванні і самакіраванні" на паседжаннях выканаўчых і распарадчых органаў улады мае права прысутнічаць любы грамадзянін.
Тэрытарыяльныя выбарчыя камісіі займаюцца шэрагам пытанняў па агульным правядзенні выбараў у сваіх раёнах і, што немалаважна, праверкай подпісаў сабраных у падтрымку вылучэння кандыдатаў у прэзідэнты.
