Чыгуначны пераезд каля вёскі Хорабрава карыстаецца дрэннай славай у аўтааматараў - тут аварыі не рэдкасць. 17 жніўня каля 16 гадзін на пераездзе адбылася чарговая аварыя, якая ледзь не скончылася трагедыяй. Аршанец на аўтамабіле "ВАЗ" не справіўся з кіраваннем, выляцеў на збочыну, пасля чаго аўтамабіль перакуліўся. Кіраўца і яго пасажыр - пенсіянер атрымалі траўмы і былі шпіталізаваныя.
18 жніўня яшчэ адна аварыя скончылася смерцю маладога кіроўцы. 22-гадовы аршанец не справіўся з кіраваннем аўтамабілем "Шкода" ў Чашніцкім раёне каля вёскі Лукамль. Аўтамабіль выляцеў на збочыну і ўдарыўся ў дрэва. Каб дастаць маладзёна давялося выклікаць супрацоўнікаў МНС. Ратавальнікі змаглі дастаць кіроўцу, які быў ужо мёртвы.
Фота паводле прэс-службы МНС
