Крадзеж адбыўся яшчэ ў ноч з 13 на 14 жніўня. На ахоўваемай тэрыторыі прадпрыемства каля вёскі Крапіўна быў незачынены цэх, куды і прайшоў невядомы мужчына. Здабычай злодзея сталі цэлых 110 каналізацыйных кратаў. Шкода ад такіх дзеянняў - 5,6 мільёны рублёў.
Праваахоўныя органы падазраюць у здзяйсненні злачынства 30-гадовага аршанца. Узбуджана крымінальная справа па частцы 1 артыкула 205 Крымінальнага кодэкса Рэспублікі Беларусь.
Артыкул 205. Крадзеж
1. Таемнае выкраданне маёмасці (крадзеж) -
караецца грамадскімі працамі, або штрафам, або папраўчымі работамі на тэрмін да 2 гадоў, або арыштам на тэрмін да 6 месяцаў, ці абмежаваньнем волі на тэрмін да 3 гадоў, або пазбаўленнем волі на той жа тэрмін.
