Галоўныя трэнеры "Оршы" і "Ліды" далі свае каментары з нагоды матчу 18-га туру чэмпіянату Беларусі па футболе сярод каманд 1-й лігі.
Максім Лычоў, "Ліда":
Зноў ня здолелі перамагчы, прапусціўшы зноў-такі ў канцы сустрэчы. Быццам бы і дзейнічалі нядрэнна, але стандарт і прапускаем гол, пазбавіўшы сябе двух важных ачкоў. Будзем разбіраць гульню, пасля чаго зробім патрэбныя высновы.
Аляксандр Ладзяны, "Орша":
Добры матч, у якім наша каманда праявіла характар. Гульня нагадала сустрэчу са "Смалявічамі-СТІ", калі мы саступалі з розніцай у тры мячы, але здолелі адыграцца і згуляць унічыю. Сёння ж нашы гульцы вытрымалі план на гульню, нягледзячы на тое, што саступалі ў ліку. Паказвалі нядрэнны футбол. Пасля другога прапушчанага намі мяча камандзе не заставалася нічога, як ісці наперад. Адыгралі адзін гол, які натхніў нас і прымусіў з падвоенай энергіяй забіць другі мяч. У такой сітуацыі супернік пачаў нервавацца, чым мы і скарысталіся, здолеўшы зраўняць лік у самым канцы сустрэчы. Лічу, вынік заканамерным.
