Апошнія падпісныя лісты Аршанская раённая камісія прыняла ўвечары 21 жніўня. У Оршы колькасць здадзеных подпісаў у камісію выглядае так:
За Аляксандра Лукашэнку ў камісію здадзена 34 568 подпісаў
За Сяргея Гайдукевіча - 10 979 подпісаў
За Таццяну Караткевіч 3 017 подпісаў
і нарэшце за Мікалая Улаховіча - 328 подпісаў.
Подпісы за кандыдатаў Сяргея Калякіна і Анатоля Лябедзькі, збор якіх вёўся ў Оршы, у камісію не здаваліся. У цяперашні час члены камісіі вядуць праверку падпісных лістоў, якая будзе скончаная да 1 верасня. Верагодна, у ходзе праверкі некаторая частка подпісаў будзе адбракавана.
Нагадаем, што кандыдатамі ў прэзідэнты стануць тыя, хто ў цэлым па краіне змог сабраць 100 тысяч подпісаў.
