Аршанка Дыяна Бурбо, якая вучыцца ў Смаленскім універсітэце фізкультуры і спорту, выступіць з танцам на Алімпійскіх гульнях у Сочы. Там яна выступіць у парным танцы са сваім партнёрам са Смаленска Раманам Геленчуковым.
Дзяўчына і хлопец прадстаўляюць студыю бальнага танцу "Спрэс" аршанскага Палаца культуры, нядаўна яны выступілі на турніры ў расейскім Бранску, дзе занялі 2-е месца. Нечаканае для кіраўніка студыі Ганны Блінчык рашэнне адправіцца на кастынг у Маскву стала трыўмфальным — танцоры прайшлі адбор і трапілі на зімовыя Алімпійскія гульні ў Сочы.
7 лютага — у дзень Цырымоніі адкрыцця Алімпіяды пара будзе выконваць свой танец. Таксама пара выступіць на адкрыцці Паралімпійскіх гульняў у Сочы.
Магчыма, у Сочы будзе прадстаўнік Оршы і непасрэдна ў спорце — лыжнік Сяргей Далідовіч. Раней ветэран абвясціў аб тым, што Алімпіяда-2014 стане яго апошнім міжнародным стартам.
