Жанчына прапаноўвала ўладальнікам аўтамабіляў выкупіць пляцоўкі пад гаражы, якія там будаваць не планавалася. Цікава, што старшыня таварыства перад зборам сродкаў атрымала апавяшчэнне, што новых гаражоў у кааператыве будаваць не плануецца, але ўсё адно пачала збіраць грошы. Агулам ёй удалося сабраць з пайшчыкаў болей за 10 000 даляраў. Людзі захваляваліся, калі зразумелі, што ўжо даўно надышоў час аглядаць пабудаваныя гаражы, а іх няма. Тады і высветлілі, што кааператыў не планаваў прымаць да сябе новых чальцоў і тым болей нешта для іх будаваць.
Суд прызнаў жанчыну-старшыню таварыства вінаватай у махлярстве і асудзіў яе на 4 гады пазбаўлення волі.
