Аршанцы згуляюць два гасцявыя матчы супраць менскага РДУАРа. Абодва матчы адбудуцца на пляцоўцы спартовага комплекса па вуліцы Філімонава, 55, корпус 1. Суботні паядынак пачнецца а 18:00, гульня ў нядзелю, 7-га лютага стартуе а 12:00.
На дадзены момант аршанцы ўпэўнена знаходзяцца на другім радку турнірнай табліцы дывізіёну Б чэмпіянату Беларусі па валейболе. Наперадзе толькі ЦАР са Жлобіна, якому аршанцы двойчы саступілі 2:3 на мінулых выходных. РДУАР жа ідзе на 4-м месцы і саступае "Ўзлёту" 16 пунктаў.
