Матэрыял, як заяўляюць распрацоўшчыкі, не электрызуецца, затрымлівае вільгаць, прадухіляе рост бактэрый, грыбка. На 85 % шума- і цеплаізаляцыйныя пліты вырабляюцца з ільнянога валакна. Такія экалагічныя пліты каштуюць даражэй за сінтэтычныя, аднак акупляюцца за 3-4 гады, бо эканомяць ацяпленне.
Як паведаміў дырэктар прыватнага прадпрыемства Яўген Акуліч, прадпрыемства сходу выйграла канкурэнцыю за маскоўскі рынак у фінскай кампаніі. Якасць беларускага матэрыялу не горш, а розніца ў цане. Фінская пліта каштуе 240 еўра, беларуская ў чатыры разы меней. Цяпер цэх працуе ў дзве змены, 90% прадукцыі ідзе на экспарт у Расею, заключаны кантракты на пастаўкі таксама з Нямеччынай і Румыніяй.
