На Вялікдзень нязменны ўжо 22 гады прэзідэнт Беларусі Аляксандр Лукашэнка наведаў Шклоў, дзе зайшоў у Спаса-Прэабражэнскі храм і павіншаваў праваслаўных вернікаў са святам. Паміж іншых словаў Лукашэнка назваў Оршу сваім родным горадам, хаця ў афіцыйнай біяграфіі першага прэзідэнта Беларусі значыцца пасёлак Копысь Аршанскага раёна.
ВідэаРаней з афіцыйнай біяграфіяй Лукашэнкі ўжо адбываліся метамарфозы, напрыклад, афіцыйная дата нараджэння была змененая. Замест 31 жніўня быў пастаўлены дзень 30 жніўня, у які таксама нарадзіўся малодшы з трох сыноў Лукашэнкі Мікалай. Месца нараджэння на афіцыйным сайце Лукашэнкі па стане на 2 траўня 2016 года пакуль застаецца ранейшым — Копысь.
