Чарговы артыкул на дадзеную тэму быў апублікаваны парталам tut.by. Спасылаючыся на ранейшае раследванне "Нашай Нівай", карэспандэнты tut.by звярнуліся да прадстаўнікоў царквы. Царква ў артыкуле Нашай Нівы фігуравала ў меньшай ступені чым казацкія арганізацыі, але па меркаванні журналістаў, мае непасрэднае дачыненне да стварэння названых у артыкуле казацкіх арганізацый і адпраўкі дзяцей у лагеры нацыстаў.
Tut.by звярнуўся да двух святароў Віцебскай епархіі Рускай праваслаўнай царквы - Алега Плаксіцкага, які служыць у вёсцы Друцк (пры гэтым прыходзе і працаваў казацкі клуб Гаўрыліных - сямейная пара засвяціўшаяся ў сш №19) і Аляксандра Кавалёва, які кіруе аддзелам па працы з моладзю ў епархіі.
Абодва святары ў адзін голас адкрэшчваюцца ад казацкіх клубаў Гаўрыліных і адпраўкі дзяцей у Расію.
Так, Друцкі святар адказаў журналістам, што ўжо некалькі гадоў не кантактуе з Таццянай Гаўрылінай (на фота), а казацкі клуб арганізаваны ёй у Друцку пры царкве ўжо даўно не існуе.
Аляксандар Кавалёў таксама сказаў, што з Гаўрылінай супрацоўніцтва ў іх няма, а дзеці, якія займаюцца пры царкве ўжо даўно не ездзілі ў Расію з-за недахопу грошай.
На наступны ж дзень Наша Ніва апублікавала запіс тэлефоннай размовы з гэтым святаром, дзе ён гаворыць "Мы (у кантэксце маюцца на ўвазе дзеці пры царкве) ездзілі ў Расію, ездзім і будзем ездзіць"
