Савет міністраў падпісаў пастанову пра згоду на фінансаванне інвестыцыйнага праэкту па будаўніцтве ў Талачынскім раёне свінакомплексу па вытворчасці бяконнай свініны. Інвестарам у дадзеным выпадку выступае Паўночная экалагічная фінансавая карпарацыя (створаная ў 1990 годзе Радай Паўночных (скандынаўскіх) краінаў). Чакаецца, што ў свінакомплексе выкарыстаюць новыя тэхналогія, дзякуючы чаму негатыўны ўплыў на экалогію зманьшыцца - на гэта арыентавана работа карпарацыі. Размесціцца свінакомплекс недалёка ад самога Талачына.
Акрамя Талачынскага раёна такі ж свінакомплекс будзе пабудаваны ў Слонімскім раёне, а кіраваць імі стане замежнае таварыства з абмежаванай адказнасцю "Белдан" з Брэсцкай вобласці. Запусціць вытворчасць плануецца да канца 2017 года.
