Зводка УУС апублікаваная ў панядзелак паведамляе пра два крадзяжы ў нашым рэгіёне, якія адбыліся на мінулым тыдні.
Так, 4 жніўня у міліцыю Аршанскага раёна паступіла паведамленне, што ў перыяд з вечара 3-га чысла па вечар 4-га чысла невядомы пашкодзіў замкі гаража і скраў адтуль: аўтамагнітолу, зараднае прыстасаванне, шурупавёрт, рыбалоўныя прыналежнасці, 2 аўдыёкалонкі, акумулятар, гумавы чоўн і турыстычны заплечнік. Агулам страты ўладальніка гаража ацэнены ў 706 новых рублёў.
З 5-га на 6-е жніўня ў Сененскім раёне невядомы зламаў замок у дачным доміку і скраў: бензапілу, 2 шляфавальныя машынкі, мотакасу, перфаратар, шурупавёрт і падаўжальнік. Страты ацэнены ў яшчэ большую суму - 1.265 новых рублёў.У абодвух выпадках заведзены крымінальныя справы.
