Побач з трасай Е95, каля вёскі Касачы Віцебскага раёна днём 14-га верасня знойдзены 47 артылерыйскіх снарадаў, 1 узрывацель да іх, 5 гранатаў - уся зброя часоў Другой Сусветнай вайны.
Акрамя таго зводкі экстраных службаў паведамляюць яшчэ пра некаторыя здарэнні ў рэгіёне. Зводка УУС паведамляе, што ў Дубровенскую міліцыю звярнулася пенсіянерка па словах якой, невядомы ў перыяд з ліпеня па 14 верасня зламаў замок у яе лазню ў вёсцы Барсукі і скраў 100 цаглінаў, некалькі алюмініевых тазоў, пячны кацёл, трубы і дзве ванны. Агулам страты ацэнены ў 200 новых рублёў. У здзяйсненні злачынства падазраюцца тры эыхары Дубровенскага раёну.
Зводка МНС паведамляе пра пажар у прыватным доме. Загарэўся не ўвесь дом, а гараж, які размешчаны ў самім будынку. У выніку пажару пашкоджана маёмасць, якая знаходзілася ў гаражы.
