Рэгіён, Спорт

Не даехалі з-за аўтобуса

17.10.2016 10:28

1251 прагляд, 0 каментароў

ФК "Сянно" не даехаў у Рэчыцу на матч Кубка рэгіёнаў з-за паломкі аўтобуса.

Матч у адказ 1/4 фіналу Кубка рэгіёнаў Беларусі меў адбыцца яшчэ 9-га кастрычніка. Сенненцы ўпэўнена перамаглі 5:0 на сваім полі і практычна забяспечылі сабе месца ў паўфінале. Але ў справу ўмяшаліся іншыя акалічнасці. Па дарозе з Сянна ў Рэчыцу ў "жоўта-зялёных" зламіўся аўтобус, у выніку да Палесся вядучая аматарская каманда Віцебшчыны не даехала. Аўтобус паправілі толькі тады, калі стала ясна - на гульню "Сянно" ніяк не паспее. Футбалісты вярнуліся дамой, а "Рэчыца" атрымала тэхнічную перамогу і прайшла ў паўфінал. Вось так крыўдна, з-за тэхнікі скончылася турнірная барацьба "Сянна" ў Кубку рэгіёнаў. Шкада, бо сенненцы былі галоўным прэтэндэнтам на кубак.