Толькі ўчора мы паведамлялі пра крадзяжы ровараў у нашым рэгіёне. І, вось, сёняшняя зводка УУС зноў гаворыць пра падобнае здарэнне. У Талачынскім раёне ў перыяд з 10 па 17 кастрычніка невядомы вырваў прабой ва ўваходных дзвярах дачнага доміка і скраў DVD-прайгравальнік і ровар "Аіст". Падазраваецца ў крадзяжы раней судзімы мужчына 1975 года нараджэння.
У нядзелю крадзёж адбыўся ў краме Еўраопт, якая знаходзіцца ў Орша-Сіці, пра гэты крадзёж публічная зводка міліцыі не паведамляе. Невядомы ўскрыў камеру захоўвання ў якой жанчына пакінула нядаўна купленыя боты "Белвест".
