Той напад са зброяй на ювелірную краму ў Оршы моцна нашумеў у нашым горадзе. Крама толькі адкрылася, і неўзабаве, 19-га верасня 2012 года невядомы напаў на яе і пад пагрозай пісталета завалодаў 200 ювелірнымі вырабамі з золата на суму 400 мільёнаў рублёў. У выніку ліхадзей быў затрыманы. Высветлілася, што расеец родам з Барнаула.
Ён быў асуджаны ў Беларусі і перададзены для адбыцця пакарання на радзіму. А ўжо расейскія следчыя пачалі падазраваць барнаульца ў здзяйсненні рабавання яшчэ адной ювелірнай крамы, у Смаленску ў траўні таго ж 2012 года. Тады з прадметам, падобным да пісталета, у руках, мужчына напаў на ювелірную краму ў цэнтры горада, забраў каштоўнасці і ўдарыў па галаве прадавачку, якая зрабіла спробу пагнацца за ім. Следства ўсталявала датычнасць барнаульца і да таго нападу, і цяпер яго будуць судзіць па новым эпізодзе.
