У суботу, 24-га снежня Орша прыме два матчы Віцебскай абласной непрафесійнай баскетбольнай лігі. Абедзьве сустрэчы пройдуць у спартовым комплексе "Алімпіец". Першая гульня паміж "Трыумфам" і "М-Сіці" распачнецца а 17:30. А вось а 19:00 надыдзе час аршанскага дэрбі - матч паміж "Сяргеевым В" і O.R.C. Уваход на матчы будзе свабодны.
Гульня "Сяргееў В" — O.R.C. павінна была адбыцца раней, бо адносіцца да 1-га туру рэгулярнага чэмпіянату. Але ў першы раз камандам сустрэцца не ўдалося, і сустрэча была перанесена.
