Гонка з назвай скіатлон (першыя 15 кіламетраў лыжнікі праходзяць класічным стылем, наступныя 15 вольным) скончылася на Алімпійскіх гульнях у Сочы. Золата заваяваў швейцарскі гоншчык Дарыа Калонья. Лепшым з беларусаў быў Міхаіл Сямёнаў - 23-е месца.
Аршанец Сяргей Далідовіч фінішаваў на 34-й пазіцыі, ён адстаў ад пераможцы на 3 хвіліны 12,7 секунды. Зрэшты, выніковае месца Далідовіча стасуецца з прагнозамі, застаецца толькі пашкадаваць, што 40-гадовы лыжнік, для якога гэта апошняя Алімпіяда ў кар'еры, не трапіў у 30-ку лепшых.
У Сочы Далідовіч яшчэ выступіць як мінімум у гонцы на 50 кіламетраў. Таксама на Алімпійскіх гульнях у Сочы выступіць яшчэ адна аршанка - Вольга Талаева ў шорт-трэку.
