Сіні Кіт - гульня для падлеткаў, пачынаецца яна праз сацыяльныя сеткі, а скончваецца самазабойствам гульца - гэта абавязковая ўмова. З'явілася гэтая гульня ў Расіі ў 2015 годзе, а ў гэтым годзе ў Беларусі пачалі фіксавацца выпадкі самазабойцаў удзельнікаў гульні. Цяпер "Сіні кіт" дайшоў і да Оршы. Мы не будзем называць прозвішчы і нумары школаў, пра якія пойдзе гаворка, тым больш, што афіцыйна гэтая інфармацыя яшчэ не агучвалася.
У адной са школаў настаўнікі выявілі 15-гадовага вучня-ўдзельніка гульні: на сваёй руцэ ён выразаў выяву сіняга кіта, што і заўважыў настаўнік. Выразаць на целе кіта - гэта першае заданне гульні. Апошняе заданне пяцідзесятае - самазабойства. Хлопец быў ужо на 46-ым заданні. Заданні выдаюцца так званымі "куратарамі". А ў іншай аршанскай школе, па нашай інфармацыі, былі выяўленыя і куратары - таксама вучні 11-класнікі.
