На жаль, год за годам аршанцы, хоць і дэманструюць добрую гульню, хоць і знаходзяцца сярод фаварытаў Віцебскай абласной непрафесійнай баскетбольнай лігі, ніяк не могуць прабіцца ў фінальны матч. Вось і на гэты раз "транспартнікі" прайгралі паўфінальную серыю віцебскаму клубу "Скарпіён". У першым матчы, які адбыўся ў Віцебску, аршанцы прайгралі 67:82. Другая сустрэча прайшла ўжо ў Оршы, на пляцоўцы спартовага комплексу "Лакаматыў". "Сяргееў В" прайграў ва ўпартай барацьбе 87:95. Серыя да 2-х перамог скончылася для аршанцаў паразай.
Цяпер аршанцам давядзецца змагацца толькі за трэццяе месца. Супернікам у гэтай серыі стане "БЛ Груп".
