Нагадаем, незадоўга да "Маршу недармаедаў" - найбольш масавая акцыя пратэсту ў Оршы за часы незалежнасці - у памяшканне на Чырвонаармейскай 13, дзе ў гэты час сабраліся кіраўнікі розных рэгіянальных дэмакратычных арганізацый, прыйшлі міліцыянты, а пазней супрацоўнікі следчага камітэту. Матывіроўка была наступнай: у банку знайшлася падробная купюры ў 5 рублёў, а па аператыўных дадзеных на Чырвонаармейскай знаходзілася капіравальная тэхніка. Два гэтых факты склаліся ў следчых і яны забралі ўсё абсталяванне на экспертызу.
Экспертыза мусіла ісці адзін месяц, але зацягнулася. У выніку, усё абсталяванне вярнулася да сваіх уладальнікаў толькі на гэтым тыдні. Праўда, абсталяванне актывісты яшчэ не правяралі - часта пасля "экспертызаў" тэхніка або часткова паламаная, або на ёй выдаленыя важныя файлы.
