Вуліцу планавалі заасфальтаваць яшчэ пад час падрыхтоўкі Оршы да Дажынак-2008. Але ці не хапіла сродкаў, ці часу, ці жадання, але дарога на вуліцы так і засталася гравійнай. Куды толькі не пісалі калектыўныя лісты жыхары вуліцы, аргументуючы сваё жаданне пабачыць асфальт на Беларускай тым, што ў мокры сезон на вуліцы ствараюцца велізарныя лужыны, а ў сухі сезон падымаецца шмат пылу. Чыноўнікі ў адказ пісалі стандартныя адпіскі: не плануецца, няма сродкаў, хопіць падсыпкі.
Праз 9 год перапіскі, нарэшце, чыноўнікі пагадзіліся сустрэцца з жыхарамі Беларускай. З боку ўладаў на сустрэчу прыйшлі намеснік старшыні выканкаму Аляксандар Пальвінскі і памочнік дэпутата парламента Ірына Мацюшэўская. Вынік - абяццанне, што ў чэрвені гэтага года дарога на беларускай будзе падсыпана асфальтагранулятам, што, у прынцыпе, вырашае праблему.
