Нагадаем, што Аляксандар Касінец - ураджэнец Аршаншчыны, былы губернатар Віцебскай вобласці - амаль паў гады заставаўся без пасады, пасля таго як быў зняты з работы кіраўніка Адміністрацыі прэзідэнта. Толькі 30-га мая ён быў прызначаны на пасаду памочніка прэзідэнта, але як высветлілася пасаду гэтую ўвялі ў дзень прызначэння. Як заўважылі аўтары сайта "Народныя навіны Віцебска", у той жа дзень прэзідэнт падпісаў змены ў свой указ "Аб аптымізацыі Адміністрацыі Прэзідэнта Рэспублікі Беларусь". Падпісаннем змены Лукашэнка скасаваў пасаду памочніка прэзідэнта пытаннях заканадаўства і судовай дзейнасці, але ўвёў пасаду памочніка прэзідэнта па агульным пытанням, якую і заняў Касінец.
Ураджэнец Аршаншчыны будзе кантраляваць выкананне Акадэміяй навук дзяржаўных праграмаў і камерцыялізацыю яе распрацовак, а таксама стратэгічныя праэкты. А ў сваёй прамове на нарадзе па развіцці нафтаперапрацоўчай галіны Лукашэнка сказаў, што Касінец зоймецца яшчэ і мадэрнізацыяй прадпрыемстваў.
