Канферэнцыя “Леў Сапега – чалавек трэцяга тысячагоддя”, была прысвечана 460-годдзю з дня нараджэння выдатнага дзяржаўнага дзеяча Вялікага Княства Літоўскага.
У ёй прынялі ўдзел навукоўцы і краязнаўцы з Мінска, Бярэсця, Віцебска, Оршы, Бешанковічаў, Браслава. Усе выступоўцы адзначалі велізарны ўклад Льва Сапегі ў гісторыю і культуру Беларусі.
Аршанскі мастак Алесь Кажамяка падараваў напісаны ім партрэт Льва Сапегі кіраўніку Віцебскага грамадскага цэнтра Хрыстафору Жаляпаву, які быў арганізатарам канферэнцыі.
