Гаворка ідзе пра аварыю якая адбылася раніцай 10 лістапада на скрыжаванні вуліцаў Леніна і Шаўчэнка. 28-гадовая жанчына везла сваю 7-гадовую дачку ў школу і на скрыжаванні ў іх аўтамабіль ўехала 22-гадовая жанчына на Додж Караван.
Пазней у інтэрнэце з'явілася і відэа на якім бачна, што Додж паскарае хуткасць, каб праскочыць скрыжаванне на жоўтае святло светлафора, але не паспявае і выязжае на чырвонае святло. У выніку ў аварыі пацярпела 7-гадовая школьніца, якая была дастаўлена ў бальніцу. Траўма была моцная і для дапамогі давялося выклікаць віцебскіх спецыялістаў.
Цяпер справай заняўся Следчы камітэт, адпаведна, заведзена крымінальная справа ў якой 22-гадовая жанчына з'яўляецца падазраванай. Тым не меньш, для аб'ектыўнага расследвання справы Следчы камітэт звяртаецца да ўсіх хто мог бачыць здарэнне, паведаміць пра яго па тэлефоне +375-33-3998044. Тэлефон працуе кругласуткава.
