Пятнічны выпуск публічнай зводкі УУС паведамяе пра крадзёж які адбыўся ў перыяд з 26 па 29 лістапада. Невядомы залез у незачынены сарай у падвале дома гаспадара і скраў адтуль ровар "Аист". Міліцыя ацаніла кошт ровара ўсяго толькі ў 52 рублі.
А, вось, зводка за 14 снежня паведамляе пра больш значны крадзёж. Гэтае злачынчтва адбылося ў перыяд з вечара 12 снежня па раніцу 13 снежня. Склад з якога і адбыўся крадзёж меў навясны замок і ахоўваўся вартаўніком, але ні адна, ні другая перашкода не спыніла злачынцу. Ён залез у склад і скраў цыркулярную пілу ды 4 шурупавёрты. Страты ацэненыя ў 1409 рублёў. У абодвух выпадках злачынцы пакуль не знойдзены.
