Міліцыя канфіскавала ў гандлёвым павільёне ў Оршы больш 11,4 тыс. піратэхнічных вырабаў, якія захоўваліся ў парушэнне дзеючага заканадаўства, паведамілі ва УУС Віцебскага аблвыканкама. Такі вынік прынёс традыцыйны рэйд, які міліцыя робіць кожны год. Супрацоўнікі Аршанскага РАУС знайшлі вялікую колькасць незарэгістраванай піратэхнікі ў гандлёвым павільёне ТАА "Фаермакс", размешчаным у краме "Алмі". Усяго выявілі больш 11,4 тыс. адзінак піратэхнічных вырабаў на суму звыш 6 тысяч беларускіх рублёў. Уся канфіскаваная піратэхніка захоўвалася ў парушэнне дзеючага заканадаўства. Па гэтым факце праводзіцца праверка.
Усяго з пачатку снежня ў Віцебскай вобласці выяўлена 22 факты незаконнага абарачэння піратэхнічных вырабаў. Канфіскавана больш за 122 тысяч адзінак нелегальнай піратэхнікі. Міліцыя будзе праводзіць інтэнсіўныя рэйды па гандлёвых кропках на выпадак нелегальнага тавару да заканчэння святаў.
