Хаця ў Оршы стала сапраўднае зімовае надвор'е і на Дняпры спыніўся лёд - яшчэ пару дзён і рака пакрыецца паўнавартасным ледзяным покрывам, але Днепр працягвае анамальна расці. За апошнія чатыры дні ён вырас больш чым на метар. Апошні раз узровень вады падаў 18 студзеня - тады рака ўпала адразу на 34 сантыметра, але гэта хутка кампенсавалася наступнымі днямі. Ужо 19-га студзеня Днепр падняўся на 17 сантыметраў, а 20-га аж на 38. Настпныя дні таксама рака працягвала расці - 21-га студзеня на 21 сантыметар і 22-га зноў на 38.
Не дзіўна таму, што берагі ракі не толькі заліваюцца вадой, але і замярзаюць. Так, на гарадскім пляжы ў лядовым палоне ўжо аказаліся распранальні, якія, калі лёд будзе ўзмацняцца, то могуць аказацца памятымі.
Фота прадстаўлена Палінай Сцепаненка.
