Арыне Таяковай зараз 2 гады і 9 месяцаў. Амаль палову жыцця дзяўчынка пражыла з дыягназам плімфабласны лейкоз. Лячэнне праводзіцца ў Беларусі, але для паўнавартаснага эфекту патрэбны вельмі дарагія лекі - дэксаметазон, прычым, падыходзіць для дзіцёнка польскі дэксаметазон, які каштуе каля 80 еўра за ўпакоўку. А пасля лячэння, магчыма, спатрэбіцца і рэабілітацыя ў Нямеччыне. На ўсё гэта ў сям'і няма сродкаў - маці працуе паштальёнкай і выхоўвае яшчэ 2 дзяцей. Год таму Белпошта ўжо абвесціла збор сродкаў для дзяўчынкі праз дабрачынныя рахункі, але сродкаў сабрана пакуль не дастаткова.
Для таго каб сабраць дадатковыя сродкі ў Оршы пройдзе дабрачынны канцэрт барда Івана Валадзько з Ашмянаў. Усе сабраныя сродкі паступяць сям'і Арыны Таяковай. Канцэрт адбудзецца 16 сакавіка а 18-00, кошт квітка 7 рублёў.
Дарэчы, Валадзько ўжо выступаў у Барані таксама на дабрачынным канцэрце на якім збіраліся сродкі для маленькага бараньца Максіма Сідарэнка.
Фота і відэа са старонкі маці Арыны Аксаны Таяковай у сац.сетцы "Укантакце" і са старонкі "Помощь Арине Таяковой г. Орша" ў сацыяльнай сетцы "Одноклассники".
