Працягваюцца праблемы ў Дубровенскіх дэмакратычных актывістаў звязаныя з затрыманнямі 25 сакавіка. Цяпер непрыемнасці кранулі сям'ю Міхаіла Чэмуракі, які быў затрыманы прыблізна а 7-30 раніцы 25 сакавіка. Разам з жонкай ён выехаў раніцай на машыне і быў спынены супрацоўнікамі ДАІ. Жанку адразу адпусцілі, а Міхаіла даставілі ў РАУС як сведку па заяве па заяве былога намесніка старшыні выканкаму Кір'янава.
У міліцыі Міхаіла трымалі каля 6 гадзінаў, хаця без прад'яўлення абвінавачання могуць трымаць чалавека ў пастарунку не больш за тры гадзіны. З-за гэтага жонка Міхаіла напісала скаргу ў міліцыю, якую адразу і не хацелі прымаць, маўляў, выходны і адказных асобаў няма.
На наступны дзень з Оршы да яе прыехала начальства (працавала жанчына ў дэпартаменце "Ахова"), якое прапанавала ёй звольніцца па ўласным жаданні. Іначай, пагражала начальства, ёй працаваць усё адно не дадуць - будуць пастаянныя праверкі і таму падобнае.
