УУС Віцебскага аблвыканкама ініцыюе забарону на продаж алкаголю ў месцах масавага адпачынку. Там прапануецца максімальна абмежаваць або поўнасцю забараніць продаж алкагольнай прадукцыі.
- Як правіла, у такіх месцах знаходзіцца шмат бацькоў з дзецьмі. Лічу, што распіццё спіртных напояў пры іх недапушчальна. У падрастаючага пакалення адпачынак не павінен асацыявацца з ужываннем алкаголю, - сказаў начальнік Віцебскага УУС Іван Кубракоў.
Акрамя таго, на яго думку, забарона паспрыяе прафілактыцы правапарушэнняў у месцах масавага адпачынку і папярэджанню гібелі людзей на вадзе. Іван Кубракоў паведаміў, што ў 2017 годзе ахова грамадскага парадку і дарожная бяспека забяспечвалася супрацоўнікамі ўнутраных спраў Віцебскай вобласці у 95 месцах масавага адпачынку, з якіх 79 размешчаны паблізу рэк і вадаёмаў. Пільную ўвагу таксама надавалі стыхійна ўзніклым 23 зонам адпачынку ля вадаёмаў. У гэтых месцах спынена больш за тысячу адміністрацыйных правапарушэнняў.
Прапанова ўжо ўнесена ў органы выканаўчай улады.
