Нагадаем, што актывістку затрымалі ў Дуброўна, калі яна выязжала на дазволены канцэрт да 25 сакавіка ў Мінск. А ў міліцыі да яе прымянілі фізічную сілу, ды яшчэ і склалі пратакол за непадпарадкаванне міліцыі. Дубровенскі суддзя Татаеў прысудзіў ёй штраф у 196 рублёў.
Віцебскі суд таксама пакінуў рашэнне без зменаў. Але Наталля вінаватай сябе не лічыць, больш за тое, абвінавачвае міліцыянтаў у перадузятасці да яе сям'і (раней муж Стрэльчанкі ад пераследу з'ехаў у палітычную эміграцыю) і неправамерным прымяненні сілы да сябе. У сувязі з гэтым, Наталля плануе прайсці ўвесь працэс абскарджвання, які магчымы ў юрыдычнай сістэме краіны. Праўда, мала надзеі, што беларускія суды адменяць такое рашэнне, таму паралельна разам з правабаронцам ПЦ "Вясна" актывістка ўжо рыхтуе заяву ў камісію па правах чалавека ААН. На практыцы ААН звычайна падтрымлівае пазовы грамадзянаў Беларусі супраць дзеянняў уладных органаў.
