На гэты раз размова пра грузавік, а не пра легкавікі, якія гарэлі ў папярэднія тыдні. У ноч з 16 на 17 чэрвеня паступіла паведамленне пра ўзгаранне аўтамабіля Івека 3510, які стаяў па адрасе гаспадара на вуліцы 3-й Ларынаўскай. Паведамленне пра пажар паступіла ў 04:28. Машына 1990 году выпуску моцна пацярпела ў выніку пажару. Агнём знішчаны салон і маторны адсек, пашкоджана лакафарбавае пакрыццё. Прычына пажару ўсталёўваецца. Машына належыць грамадзяніну 1986 году нараджэння.
Цэлая серыя пажараў у машынах была зафіксаваная ў траўні. Згарэлі два аўтамабілі аршанскага прадпрымальніка Jaguar XF і Mercedes GL, а на 1-м Музейным завулку гарэў Сітраён.
