Планавалася, што ўдзельнікі бронепрабегу, прыедуць у Оршу да помніка "Кацюшы" ўжо ў 12 гадзін. Тут мусіў адбыцца мітынг. З 12 гадзін, сапраўды, на беразе Дняпра ўсё было гатова для прыёму гасцей і тэхнікі, але не было ні гасцей, ні тэхнікі. Толькі пасля 13 гадзін калона прабегу ўвайшла ў горад і ў суправаджэнні ДАІ і хуткай дапамогі праехала па вуліцы Леніна, дабіраючыся да месца мітынгу.
Плануецца, што больш за 50 удзельнікаў прабегу на 15 адзінках тэхнікі застануцца ў Оршы на ноч. Для іх падрыхтавана экскурсія і наведванне Пішчалава. Пакуль удзельнікі прабегу будуць аглядаць Оршу, іх тэхніка пастаіць у гарадскім парку. А раніцай мілітарысцкая калона рушыць у бок Мінска, а потым і ў Брэст.
