Верагодна, Оршу і Смаленск зноў звяжуць электрычкай, якая, зноў жа са словам "магчыма", будзе хадзіць яшчэ і да Віцебска. Прычым прыпынак могуць зрабіць не ў Оршы, а на мяжы дзяржаў. Пытанне аб вяртанні прыгранічных чыгуначных зносін збіраюцца вынесці на нараду кіраўнікоў дзяржаў ці кіраўнікоў урадаў Расеі і Беларусі.
Міністр транспарту і камунікацый Беларусі Анатоль Сівак на нарадзе ў рэгіянальнай адміністрацыі паведаміў, што беларускі бок разглядае варыянт чыгуначных зносін Смаленск-Віцебск з прыпынкам на мяжы дзяржаў. У сваю чаргу, у смаленскай адміністрацыі заявілі, што падрыхтуюць прапанову і для дзяржсакратара Саюзнай дзяржавы. Асноўнай праблемай ўвядзення такога чыгуначных зносін смаленскія чыноўнікі назвалі адсутнасць фінансавых магчымасцяў у рэгіёна.
Два гады таму адмянілі электрацягнікі паміж гарадамі, а ў гэтым годзе быў адменены апошні аўтобус. Вінаватым у Смаленску назвалі Аршанскі аўтапарк. Затым на нейкі час з'явілася ідэя звязаць Оршу і Смаленск водным шляхам, аднак цяпер гэтая ідэя нікім ўжо не агучваецца.
