Раней падобнага роду выданні публікаваліся толькі на ўзроўні ўсёй краіны - рэгіянальных аналізаў выбарчых кампаніяў ніхто раней не выдаваў. Таму выданне даволі ўнікальнае для Беларусі, але, відавочна, не апошняе - той матэр'ял які набіраюць назіральнікі за час адным выбараў варты таго, каб быць апублікаваным і чытаемым людзьмі.
Выбары ў Беларусі праблемнае пытанне. З 2001 года ўсе яны рознымі мясцовымі і міжнароднымі назіральнымі місіямі лічацца сфальсіфікаванымі. Не абыходзіцца ў такіх абвінавачанняў і на Аршанскім узроўні. Кніга каштоўная тым, што тут даюцца не толькі высновы назіральных кампаніяў і палітычныя ацэнкі, але і факты з лічбамі, якія гавораць пра сумніўныя вынікі выбараў, а таксама называюцца прозвішчы і пасады тых людзей, якія былі задзейнічаныя ў стварэнні такой "фактуры".
